संजय थापा
पोखरा,२८ मंसिर ।।
लुम्बिनी गार्डेन फाउन्डेसन र कास्की जिल्ला फुटबल संघको आयोजनामा पोखरामा मैत्रीपूर्ण फुटबल खेल हुने भएको छ । “गौतम बुद्ध जन्मेको हाम्रो देश नेपालबाट शान्तिका लागि फुटबल” भन्ने नाराका साथ यस मैत्रीपूर्ण फुटबल खेल हुने भएको हो । यस मैत्रीपूर्ण खेलमा पहिलो पटक स्पेनको बि डिभिजनको क्लब मैत्रीपूर्ण फुटबल खेल्नको लागि पोखरा आउने भएको छ । बि डिभिजनको स्पेनिस फुटबल क्लब (काथेरेन्यो फुटबल क्लब ) र नेपालको गण्डकी–११ टिमबीच उक्त मैत्रीपूर्ण खेल हुने भएको छ ।
पोखराको रंगशालामा पौष १३ गते हुने उक्त मैत्रीपूर्ण खेलमा स्पेनिस फुटबल फेडेरेशनका उपाध्यक्षल र अन्तराष्ट्रिय स्तरका खेलाडीहरुका साथै विश्व कप खेलेका पूर्व खेलाडीहरु समेत आउने भएका छन् । यस खेललाई स्पेनको एकस्त्रेमादुरा टि.भि.ले प्रत्येक्ष प्रसारण गर्ने भएको छ भने सो टेलिभिजनले पोखराको पर्यटन प्रवद्र्धनका लागि यहाँका विभिन्न स्थानहरुको डकुमेन्ट्री बनाएर स्पेन र युरोपमा पनि प्रस्तुत गर्ने आज पोखरामा आयोजित पत्रकार सम्मेलन मार्फत आयोजकले जनाएको छ ।
बुद्ध र सगरमाथाको देश भनेर संसार सामु नेपालको पर्यटन प्रवद्र्धन गर्ने उद्देश्य एउटा ठाउँमा भएको र नेपालको फुटबल खेलको विकासका लागि पनि सक्दो सहयोग गर्ने उद्देश्यसहित यस मैत्रीपूर्ण फुटबल खेलको आयोजना गर्न लागिएको फाउन्डेशनका उपाध्यक्ष गोविन्द सुवेदीले बताएका छन् । उपाध्यक्ष सुवेदीका अनुसार फाउन्डेशनले स्पेनिस फुटबल फेडेरेशन र नेपालको एन्फाबीच सहकार्यका लागि सम्झदारी पत्र (एमओयु) गराउन पहल गर्ने समेत बताएका छन् । उनले स्पेन र नेपालका फुटबल एकेडेमीहरुबीच दिर्घकालिन सहकार्यका लागि वातावरण तयार गरिरहेको र जसमा गण्डकी प्रदेश पनि यसको प्रायोरिटिमा रहेको जानकारी दिएका छन् ।
त्यस्तै उनका अुनसार यस मैत्रीपूर्ण फुटबल खेल आगामी ४÷५ वर्षसम्म स्पेनको राष्ट्रिय टिमका पूर्व खेलाडीहरुको सहभागितामा आयोजना गर्ने योजना रहेको समेत जनाएका छन् । उपाध्यक्ष सुवेदीले यस मैत्रीपूर्ण फुटबल खेललाई संसारका अन्य देशहरु चाईना, हंङकङ, म्यानमार, थाईल्याण्ड, भियतनाम लगायतका विभिन्न देशहरुमा पनि आयोजना गर्ने योजना समेत फाउन्डेशनको रहेको बताएका छन् ।
प्रतिक्रिया लेख्नुहोस्:-