आईओएमका विद्यार्थी र प्रहरीबीच झडप

काठ्माण्डौं ।
त्रिवि चिकित्सा शास्त्र अध्ययन संस्थान आईओएमका विद्यार्थी र प्रहरीबीच मंगलबार झडप भएको छ । आईओएम डीनको कार्यालयमा विद्यार्थीले लगाएको ताला प्रहरीले खोलेपछि त्यहाँ विद्यार्थी र प्रहरीबीच झडप भएको हो ।

विद्यार्थीहरुले आईओएमभित्रको विकृतिविरुद्ध सुधारको माग गर्दै मंगलबार विहान ताला लगाएका थिए । सोही ताला प्रहरीको सहयोगमा आईओएमका प्रशासनले खोल्न लगाएपछि त्यहाँ केही समय तनाव समेत भएको थियो ।

विशेषगरी त्यहाँका विद्यार्थीहरुको माग होस्टेललाई व्यवस्थित गरि आईओएमभित्रका विकृतिलाई सुधार गर्नुपर्ने माग रहेको छ । होस्टेलमै आएर विद्यार्थीहरुलाई विना कारण प्रशासनले धम्क्याउने गरेको र थेक्नै नसक्ने गरी विद्यार्थी राखेको त्यहाँका विद्यार्थीहरुको आरोप रहेको छ ।