काठ्माण्डौं ।
आगामाी वर्षदेखि खेलकुद क्षेत्रमा बजेट बढाउने भन्दै मंगलबार प्रधानमन्त्री पुष्पकमल दाहाल प्रचण्डले घोषणा गरेका छन् ।ललितपुरको च्यासल रंगशाला उद्घाटन गर्दै उनले आउँदो वर्षदेखि खेलकुदमा गुणात्मक रुपमा बजेट बढाउने बताएका हुन् ।
खेलकुद क्षेत्रले समाजलाई अनुशासित बनाउने बताउँदै प्रधानमन्त्री प्रचण्डले मर्यादा र संस्कृति स्थापित गर्नका लागि पनि खेल क्षेत्र महत्वपूर्ण भएको जानकारी दिएका छन् । उनले खेलकुदले राजनीतिकदेखि लिएर कुटनीतिक र भाइचारा सम्बन्धको विकास हुने दाबी पनि गरेका छन् ।
त्यस्तै उनले देशका सबै प्रदेश र पालिकामा पनि खेल पूूर्वाधार निर्माण गर्ने सन्दर्भमा नीति, योजना र कार्यक्रमहरु बनाएको जानकारी समेत दिएका छन् । च्यासल रंगशाला उद्घाटनसँगै कलाकार एन्फा पदाधिकारीबीच खेल पनि भएको छ । उक्त रंगशाला १० हजार दर्शक क्षमताको रहेको छ ।
प्रतिक्रिया लेख्नुहोस्:-