काठ्माण्डौं ।
वृहत शान्ति सम्झौता विरुद्धको हर्कत जारी रहे प्रतिवादमा उत्रिने एकृकित तामाङ्ग राष्ट्रिय मुक्ति मोर्चा नेपालले चेतावनी दिएको छ । मंगलबार एक विज्ञप्ति जारी गर्दै मोर्चाले यस्तो चेतावनी दिएको हो ।
मोर्चाका संयोजक सुर्यमान दोङद्धारा हस्ताक्षरित विज्ञप्तिमा, “मुलुकलाई संघीय लोकतान्त्रिक गणतन्त्र नेपालको युगमा ल्याई पु¥याउने महान जनयुद्धलाई गर्वबोध गर्नुको साटो अपराधीकरण गर्न खोज्ने दुस्साहस भईरहेको” भनिएको छ ।
जनयुद्धलाई अपराधीकरण गर्न खोज्ने प्रतिगामीहरुले मुलुकलाई फेरि अध्याँरो सुरुङतर्फ धकेल्न खोजेको र यस्तो प्रतिगामी कदमको डटेर सामना गर्न आम जनसमुदायमा विशेष अपिल गर्दछौं समेत सो विज्ञप्तिमा भनिएको छ ।
प्रधानमन्त्री पुष्पकमल दाहाल प्रचण्डलाई मुख्य निशाना बनाई प्राप्त उपलब्धिलाई उल्टायाउने गरी भइरहेको षडयन्त्र र जालझेल आफुहरुलाई स्वीकार्य नभएको विज्ञप्तिमा उल्लेख पनि गरिएको छ ।
उनीहरुले बृहत शान्ति सम्झौताको विरुद्धका हर्कतहरु जारी रहे कडा संघर्षका कार्यक्रमहरु घोषणा गरी प्रतिवादमा उत्रिने चेतावनी पनि दिएका छन् । केही दिन यता जनयुद्धलाई अपराधीकरण गर्दै नागरिकको अधिकार कुण्ठित गर्न खोजेको मोर्चाको आरोप रहेको छ ।
प्रतिक्रिया लेख्नुहोस्:-