पोखरा, २ बैशाख ।।
“सद्भाब र सहकार्यका लागी एकता” दिप युनाइटेड क्लबले नयाँ बर्षको शुरूवात संगै बि . सं . २०८० को भित्तेपात्रो बिमोचन साथै शुभकामना आदान प्रदान कार्यक्रम सम्पन्न गरेको छ । क्लबका अध्यक्ष खेमराज आचार्यको अध्यक्षतामा भएको कार्यक्रममा प्रमुख अथिति पोखरा महानगरपालिका वडा न.१६ का अध्यक्ष अमृत शर्मा तिमिल्सिना रहनु भएको थियो ।
उँहाले दिप युनाईटेड क्लबले सदा सामाजिक कार्यमा अग्रसर भई सामाजिक कार्यहरू गर्दै आएको र खेलकुदको क्षेत्रमा पनि यस क्लबले विभिन्न कार्यक्रमहरू संचालन गरि छुट्टै पहिचान राख्न सफल भएकोमा आभार प्रकट गर्नु भयो । भने आगामी दिनहरूमा पनि क्लबको आवश्यकतालाई मध्यनजर गर्दै आफूले सक्दो सहयोग गर्ने प्रतिबद्धता जनाउनु भयो ।
क्लबका अध्यक्ष आचार्यले क्लबले गर्ने सबै कार्यहरूमा यहाँका संघ संस्था, टोल बिकास समिति, आमा समूह सबैले साथ दिदै आउनु भएकोमा आभार प्रकट गर्दै नयाँ बर्षको शुभकामना दिनु भएको थियो ।
कार्यक्रममा शुभकामना मन्तब्य क्लबका उपाध्यक्ष विष्णुकुमारी गुरुङले नयाँ वर्षको शुभकामना दिनु भएको थियो । त्यस्तै शुभकामना दिनेहरूमा मातृशिशु मितेरी अस्पतालका अध्यक्ष धर्मराज थापा, क्लबका पूर्वअध्यक्ष मनकाजी गुरुङ्ग, मोहन थापा, दिल बहादुर गुरुङ, गोपाल गिरी, कौशिला आचार्य लगायतले शुभकामना आदान प्रदान गर्नु भएको क्लबका सचिब भीमप्रसाद आचार्यले जानकारी दिनु भयो ।
कार्यक्रममा युकेमा बस्दै आउनु भएको गिता गुरुङले क्लबले ब्यामशाला निमार्ण गर्न लागि रहेको अबसरमा केही सहयोग होस भन्ने हेतुले अक्षरूपी २० हजार क्लबका अध्यक्ष खेमराज आचार्यलाई प्रदान गर्नु भएको थियो । कार्यक्रममा बिभिन्न संघ संस्थाका ब्यक्तिहरूको उपस्थित रहेको थियो । भने कार्यक्रम संचालन क्लबका सचिव भीमप्रसाद आचार्यले गर्नुभएको थियो ।
प्रतिक्रिया लेख्नुहोस्:-