पछिल्लो २४ घण्टामा ५० जना कोरोनाका संक्रमित निको हुन सफल

काठ्माण्डौं ।

पछिल्लो २४ घण्टामा थप ७८ जनामा कोरोना भाइरस संक्रमण पुष्टि भएको छ ।स्वास्थ्य तथा जनसंख्या मन्त्रालयले दिएको जानकारी अनुसार १ हजार १ सय ४८ जनाको परीक्षण गर्दा ७८ जनामा संक्रमण पुष्टि भएको हो । यस रोगको संक्रमणबाट एक जनाको मृत्यु समेत भएको छ ।

त्यस्तै पछिल्लो २४ घण्टामा ५० जना संक्रमित निको भएका छन् । यस्तै मन्त्रालयका अनुसार नेपालमा यस भाइरसकोे सक्रिय संक्रमितको संख्या ३ सय ८३ जना पुगेको छ ।