काठ्माण्डौं ।
जिल्ला सरकारी वकिल कार्यालय काठ्माण्डौंले प्रहरीलाई भुटानी शरणार्थी प्रकरणको अनुसन्धान प्रतिवेदन बुधबार साँझसम्म बुझाउन निर्देशन दिएको थियो । तर आज दिइएको समय सीमाभित्र अनुसन्धान प्रतिवेदन पेस नहुने भएको छ ।
जिल्ला प्रहरी परिसर, काठमाडौंका एसपी सिताराम रिजालले अनुसन्धान नसकिएकोले बुधबार प्रतिवेदन नबुझाउने निर्णय जानकारी दिएका छन् । प्रहरीले यसमा संलग्नलाई अहिले ठगी र संगठित अपराधसम्बन्धी कसूरमा म्याद थप गरेको छ ।
हालसम्म यो प्रकरणमा पूर्वउपप्रधानमन्त्री टोपबहादुर रायमाझी, पूर्वगृहमन्त्री बालकृष्ण खाण र उपराष्ट्रपतिको कार्यालयका सचिव टेकनारायण पाण्डे सहित १४ जना थुनामा छन् ।
प्रतिक्रिया लेख्नुहोस्:-