पोखरा ।।
पोखरामा शनिबार भएका छुट्टाछुट्टै दुर्घटनामा परी ७ जना घाइते भएका छन् । बुलौदीमा भएको ग१९प ६०६८ नम्बरको मोटर साईकल बिहान ५ः४५ बजे बुलौंदी खोलामा रहेको बिजुली पोलमा आफैं ठोक्किएर दुर्घटना हुँदा मोटर साईकलमा सवार दुईजना घाईते भएका छन् । मोटर साईकल चालक स्याङ्जा फेदिखोला ९ का ३७ बर्षका कुलदिप गुरुङ र पोखरा १७ बस्ने २२ वर्षिय संगम मगरको मेट्रोसिटीमा उपचार भई रहेको जिल्ला ट्राफिक प्रहरी कार्यालय कास्कीका सुचना अधिकारी प्रहरी बरिष्ठ नायब निरिक्षक शिव पाठकले जानकारी दिए ।
यस्तै सोहि स्थानमा साँझ ६ बजे तिर पुन दुर्घटना भएको छ । जिरो कि.मी देखि हल्लनचोक जाँदै गरेको गण्डकी बि ए ए ०४२५ नम्बरको पिकअप भ्यान र विपरीत दिशाबाट आएको ग १६ प ४८२१ नम्बरको मोटरसाइकलले बुलौदीमा यु टर्न गदा दुर्घटना भएको हो । उक्त दुर्घटनामा परि मोटरसाइकलमा सवार दुई जना सामान्य घाइते भएका छन् ।
आजै पोखरा २५ हेमजामा हेमजा देखि हरिचोक तर्फ आउदै गरेको ग ५ प ८०२ नम्बरको मोटरसाईकल र सोहि दिशाबाट आइरहेको ग २३ प ६४८९ नम्बरको स्कुटर एकआपसमा ठोकिएर दुर्घटना भएको छ । घाइतेहरुको उपचार फिस्टेल अस्पतालमा भइरहेको प्रहरीले जानकारी दिएको छ ।
त्यसै गरि साँझ ८:१५ तिर पोखरा १६ महेन्द्र गुफा मार्ग चन्डिका प्रा. बि निर महेन्द्र गुफा तिर आउदै गरेको ग ३ च ६०९२ नम्बरको जिप र बगर तर्फ जाँदै गरेको ग १० प ८४९८ नम्बरको स्कुटर एकआपसमा ठोकिदा स्कुटर चालक बर्ष ३३ का आकाश गुरूङ घाइते भएका छन् ।
प्रतिक्रिया लेख्नुहोस्:-