सरिता गुरुङ
पाेखरा ।।
पोखरामा पछिल्लो समय आँखा पाक्ने राेग (एडिनो भाइरल कन्जङटिवाइटिस) फैलिरहेकाे छ । याे राेग फैलिएसँगै यसका बिरामीहरु पनि दिनप्रतिदिन बढ्दाे क्रममा छ ।
यसै विषयलाई लिएर हिमालय आखाँ अस्पतालले सोमबार जनचेतना मुलक कार्यक्रम एवम पत्रकार सम्मेलनकाे आयाेजना गर्दै पाेखरामा पछिल्लो समय यस राेगका बिरामीहरुकाे संख्या वृद्धि भएकोले साबधानी अप्नाउन सबैमा आग्रह गरेकाे छ ।
दैनिक ७ सय ५० बिरामी जाँच गर्दै आएको यस अस्पतालले आँखा पाक्ने समस्या आएपछी अहिले दैनिक १३ सय बिरामीहरको उपचार गरिरहेको अस्पतालकी मेडिकल डाइरेक्टर प्रा.डा.इलिया श्रेष्ठले जानकारी दिएकी छन् ।
उनले यो हप्ता मात्रै १५ सय बिरामी आँखा पाक्ने समस्या लिएर अस्पताल आएको बताएकी छन् । जसमा ९ सय बालबालिका मात्रै छन् । उनका अनुसार अन्य उमेर समुहलाई भन्दा बालबालिकामा आँखा पाक्ने समस्या बढी देखिएको बताइन । विशेषगरी बालबालिकामा आँखा पाक्ने समस्या बढीको हुनुकाे प्रमुख कारण बच्चाहरुले हात नधोइकन आँखामा छुने भएकाे उनले बताइन ।
त्यस्तै प्रा.डा.श्रेष्ठका अनुसार आँखा पाक्ने समस्याका बिरामी आइतबार मात्र ६ सय २९ जना आएकाे समेत जानकारी दिइन। याे राेग त्यति जटिल नभएपनि यसकाे उपचार भने समयमा नै गर्नुपर्ने उनले बताइन ।
एडिनो भाइरल कन्जङटिवाइटिस भाइरसको संक्रमणपछि आँखा रातो हुने, चिलाउने, बिझाउने, आँखामा चिप्रा लाग्ने तथा पाक्ने जस्ता समस्या देखापर्ने हुदाँ यस्ता लक्षण देखिएमा समयमा नै उपचार गर्नुपर्ने समेत बताइन ।
दाङ, भरतपुर र जनकपुरमा अाखाँ पाक्ने समस्याका कारण विद्यालय बन्द भएको अवस्थामा पोखरामा पनि अहिले बच्चामा आँखा पाक्ने समस्या बढी देखिएकाले एकहप्ता विद्यालय नै बन्द गर्नुपर्ने सुझाव दिएकी छन ।
प्रा.डा. श्रेष्ठले दिएकाे जानकारी अनुसार हिमालयन आँखा अस्पतालको क्षमता दैनिक ८ सय जनाको भएको तर हाल आँखा पाक्ने समस्या आएपछी बिरामी दैनिक १५ सय पुग्ने गरेको छ ।
आँखा पाक्ने समस्या भएमा हिमालय आँखा अस्पताल नै आउनु पर्छ भन्ने छैन जिल्ला जिल्लामा रहेका आँखा उपचार केन्द्र वा अस्पतालबाट पनि सेवा लिन सकिने उनले बताएकी छन् ।
प्रतिक्रिया लेख्नुहोस्:-