पाेखरा ।।
एसइइ परीक्षा २०७९ को नतिजा अनुसार सामुदायिक बिध्यालय तर्फ बिन्ध्यबासिनी मा.वि.पोखरा -१६, बाटुलेचौर कास्की जिल्ला प्रथम हुन सफल भएको छ ।
५० जना भन्दा बढी परिक्षार्थी सहभागी भइ एस.इ. इ.मा प्राप्त औसत जि पि ए नतिजा मुल्यांकनको आधारमा उत्कृष्ट नतिजा ल्याउने विद्यालयलाई उत्कृष्ट घोषणा गरिएको छ ।
कास्की जिल्लामा रहेका सम्पुर्ण सामुदायिक विद्यालयहरु मध्ये बिन्ध्यबासिनी मा. वि.ले ३.१७८ प्रतिशत जिपिए नतिजा प्राप्त गरेको आधारमा कास्की जिल्ला प्रथम घोषणा गरिएको छ । उक्त विद्यालयबाट २०७९ को एस.इ. इ. मा ७९ जना विद्यार्थी सामेल भएको विद्यालयका प्र.अ कृष्ण प्रसाद आचार्यले बताए ।
शैक्षिक गुणस्तर मापन केन्द्र प्रक्षेपण गरेको सर्बेक्षण क्याप्सुल रिपोर्ट २०७९ मा बिन्ध्यबासिनी मा.वि. पोखरा १६ देशभरका सामुदायिक विद्यालय मध्य सर्बोत्कृस्ट नतिजा ल्याउन सफल भएको थियो भने मानव स्रोत तथा शिक्षा बिभागले गरेको २०८० को मुल्यांकन नतिजामा बिन्ध्यबासिनी मा.वि. देशभरबाट दोस्रो हुन पुगेको छ । फरक मापन परिधिबाट भएको उक्त मुल्यांकनमा बुटवलको कालिका मानव ज्ञान प्रथम भएको थियो ।
यस बर्षको एस इ इ नतिजामा अमरसिंह मा.वि. ले २३२ जना विद्यार्थी सामेल गराएकोमा ३.०७९ प्रतिशत जिपिए ल्याइ कास्की जिल्ला दोस्रो , १०७ जना विद्यार्थी सहभागी गराइ ३.०६५ प्रतिशत जिपिए ल्याइ शितलादेवी मा.वि. तेस्रो र ७१ जना विद्यार्थी सामेल गराइ भुर्जुङखोलाको माछापुच्र्छे मा. वि. ले २.९५२ प्रतिशत जिपिए ल्याइ कास्कीले चौथो स्थान हासिल गरेको छ ।
यस्तै सस्थागत विद्यालयतर्फ मदरल्याण्ड मा.वि. मासवारले १५१ जना विद्यार्थी सामेल गराएकोमा ३.४७७ प्रतिशत जिपिए ल्याइ समग्रमा कास्की जिल्ला प्रथम भएको छ ।
शिशुनिकेतन बोर्डिङ बिरौटा ३.४५९ प्रतिशत ,गण्डकी बोर्डिङ लामाचौर ३.४१९ र केफ स्कुल सिम्पानी ३.३६२ प्रतिशत जिपिए ल्याइ क्रमश कास्की जिल्ला दोस्रो ,तेस्रो र चौथो भएको शिक्षा विकास तथा समन्वय इकाइ कास्की बताएको छ ।
प्रतिक्रिया लेख्नुहोस्:-