मुस्ताङको घरपझोङ गाउँपालिका अध्यक्ष जुवाखालबाट पक्राउ

पाेखरा ।।

पाेखराकाे एक हाेटलमा जुवाखालबाट गाउँपालिका अध्यक्षसहित अन्य ६ जना व्यक्तिहरु पक्राउ परेका छन् ।

सिर्जनाचोकस्थित होटल लक्ष्मीबाट जुवा खेलिरहेको अवस्थामा मुस्ताङको घरपझोङ गाउँपालिका अध्यक्ष मोहनसिंह लालचनसहित घोरपझोङका इन्द्रबहादुर कार्की, नविप्रसाद थकाली, सिर्जनाचोकका शंकर ज्वारचन, पोखरा महेन्द्रपुलका गुन्ज हिराचन, रामबजारका राजु गुरुङ र रामबजारकै दलबहादुर हिराचनलाई प्रहरीले पक्राउ गरकाे हाे ।

विहीवार प्रहरीले उक्त हाेटलमा छापामारने क्रममा उनीहरुकाे साथबाट नगद ४ लाख ४७ हजार ८० रूपैयाँसहित पक्राउ गरेकाे वडा प्रहरी कार्यालय बैदामले जानकारी दिएकाे छ।

जुवाखालबाट प्रकाउ परेका सातैजनालाई आज म्याद थप गरी अनुसन्धान गर्ने तयारी रहेको प्रहरीले बताइएको छ ।