पोखरा/बाल यौन दुर्व्यवहारको आरोपमा दोषी ठहर भएका मदन राईलाई जिल्ला अदालत खोटाङले २ वर्ष ६ महिना कैद सजाय र १ लाख रुपैयाँ जरिवाना तोकेको छ।
न्यायाधीश नारायणप्रसाद दाहालको इजलासले शुक्रबार राईमाथि नैतिक पतन देखिने गरी कसूर प्रमाणित भएको भन्दै सजाय तोकेको हो। साथै, पीडित बालिकालाई १ लाख ५० हजार रुपैयाँ क्षतिपूर्ति उपलब्ध गराउने आदेश पनि अदालतले दिएको छ।
सूचना अधिकारी सुदीप कुमार भट्टराईका अनुसार अदालतले दोष प्रमाणित भएपछि कानुनी दायराभित्र रहेर कडा सजाय सुनाएको हो।
