काठ्माण्डौ ।।
सोमबार सार्वजनिक बिदाका कारण बस्न नसकेको मन्त्रिपरिषद्को नियमित बैठक बुधबार(आज) बस्दै छ ।
प्रधानमन्त्री केपी शर्मा ओलीको आह्वानमा आज साँझ ६ बजे सिंहदरबारमा बस्ने गरी मन्त्रिपरिषद् बैठक बोलाइएको हो ।
आजको बैठकमा नेपाल राष्ट्र बैंकको गभर्नर सिफारिस समितिको सदस्य नियुक्त गर्ने सम्भावना छ ।
यसअघि समितिका सदस्य विश्व पौडेलले राजीनामा दिएपछि सदस्य पद खाली छ । उनको राजीनामासँगै गभर्नरमा उनकै नाम चर्चामा छ ।
