भाद्र ३०, पोखरा ।।
जिल्ला प्रशासन कार्यालय कास्कीले दुई वटा कार्यकक्षबाट सेवा दिन सुरु गरेको छ ।जेन जीको प्रदशनमा आगजनीका कारण कार्यालयको मुख्य भवन र सम्पूर्ण कागजात नष्ट भएपछि परिसर भित्रको दुई कोठे भवनलाई व्यवस्थापन गरेर कार्यालयले सोमबार देखि सेवा दिन सुरु गरेको हो ।
प्रमुख जिल्ला अधिकारी रुद्रादेवी शर्माका अनुसार शान्ति सुरक्षा, मुद्दाको म्याद थप र दैनिक प्रशासनिक कार्यहरू सम्बन्धी सेवा सुचारु गरेको बताईन् ।
कार्यालयका अन्य कक्षहरू मर्मत सम्भार गर्ने क्रममा भएकाले क्रमिक रूपमा सेवा विस्तार गर्दै लगिने शर्माको भनाई छ ।
