पौष २७, काठमाडौं ।।
जल तथा मौसम पूर्वानुमान महाशाखाका अनुसार आइतबार(आज) पनि देशभर पश्चिमी वायुको आंशिक प्रभाव रहेको छ।
पश्चिमी वायुको कारण हाल देशका तराई भू-भागका केही स्थानहरूमा हुस्सु लागेको छ भने गण्डकी र कर्णाली प्रदेशका उच्च पहाडी तथा हिमाली भू-भागमा आंशिक बदली तथा बाँकी भू-भागमा मौसम मुख्यतया सफा रहेको छ।
आज दिउँसो तराई भू-भागका अधिकांश स्थानहरूमा मध्यान्नसम्म हुस्सु तथा कुहिरो रहनेछ। कोशी प्रदेशका उच्च पहाडी तथा हिमाली भू-भागमा आंशिक बदली तथा बाँकी भू-भागमा मौसम मुख्यतया सफा रहनेछ।
यस्तै महाशाखाका अनुसार आज राति तराई भू-भागका केही स्थानहरूमा हुस्सु रहनेछ । तर देशका पहाडी तथा हिमाली भू-भागमा भने मौसम मुख्यतया सफा रहनेछ।
विषेशगरी तराई क्षेत्रमा लामो समयदेखि लागेको हुस्सु तथा कुहिरोको प्रभावले त्यहाँको दैनिक जनजीवन कष्टकर बनेको छ भने पर्यटन, स्वास्थ्य साथै हवाई र सडक यातायातमा समेत प्रभाव पर्ने देखिएकोले आवश्यक सतर्कता अपनाउन महाशाखाले अनुरोध गरेको छ ।
