असोज ५, काठमाडौं ।।
संयुक्त राष्ट्रसंघको महासभामा सम्बोधन गर्न जानुअघि प्रधानमन्त्री बालेन्द्र शाह(बालेन)सँग प्रमुख प्रतिपक्षी दल नेपाली कांग्रेसका नेताहरूले भेटवार्ता गरेका छन् ।
कांग्रेस नेताहरू प्रधानमन्त्री शाहलाई भेट्न सोमबार(आज) प्रधानमन्त्री तथा मन्त्रिपरिषद्को कार्यालय, सिंहदरबारमा गएका थिए । विषेशगरी महासभामा सम्बोधन गर्न जानुअघि आवश्यक छलफलका लागि प्रधानमन्त्री शाहले कांग्रेसका नेताहरूलाई छलफलमा बोलाएका थिए ।
छलफलमा कांग्रेस संसदीय दलका नेता भीष्मराज आङ्देम्बेसँगै विश्वप्रकाश शर्मा पनि उपस्थित रहेको प्रधानमन्त्रीको सचिवालयले जनाएको छ । प्रधानमन्त्री शाह संयुक्त राष्ट्रसंघको महासभामा भाग लिन भोलि अपराह्न संयुक्त राज्य अमेरिकातर्फ प्रस्थान गर्ने कार्यसूची रहेको छ ।
