पोखरा ।
गण्डकी प्रदेशका मुख्यमन्त्री खगराज अधिकारीले प्रधानमन्त्री पुष्पकमल दाहाल प्रचण्डसँग भेटवार्ता गरेका छन् । अधिकारीलाई मन्त्रालय भागबण्डा लगाउन सकस भएपछि उक्त गाँठो फुकाउन प्रधानमन्त्री निवास बालुवाटारमा पुगि भेटवार्ता गरेको स्रोतले जनाएको छ ।
गण्डकी प्रदेशमा मन्त्रालयको संख्या ७ मा झारेका अधिकारीलाई अहिले मन्त्रालय भागबण्डा लगाउन सकस भईरहेको छ ।
प्रधानमन्त्री प्रचण्डसँगको उक्त भेटमा अधिकारीले गण्डकी प्रदेश सरकारको विस्तार, समसामायिक राजनीतिक घटनाक्रम लगायतका विषयमा कुराकानी भएको बुझिएको समेत स्रोतले बताएको छ ।
