३० जेठ, विराटनगर । मोरङको सुन्दरहरैंचा-६ मा जंगली छावा (हात्तीको बच्चा) मृत भेटिएको छ ।
स्थानीय दुर्गा मन्दिर टोल नजिक बुधबार बिहान भक्तराज लिम्बुको केरा बगानभित्र भाले छावा मृत फेला परेको हो ।
अन्दाजी ५-६ वर्षको जस्तो देखिने हात्तीको बच्चा कसरी केरा बगानभित्र पुग्यो र मृत्यु भयो भन्ने खोजिको बिसय रहेको लाटीझोडा सब डिभिजन वन कार्यालयका प्रमुख एवम् अधिकृत अमृतविलाश पन्तले बताए ।
छावाको सुँडको छेउमा सामान्य चोट देखिएको र कोशी टापु वन्यजन्तु आरक्षको टोली अनुसन्धानका लागि घटनास्थलतर्फ अघि बढेको जानकारीमा आएको छ।
