कार्तिक २१, काठमाडौं ।।
देशका अधिकांश भू–भागमा शुक्रबार(आज) पनि खुला आकाश देखिएको छ ।
मौसम पूर्वानुमान महाशाखाका अनुसार हाल देशभर कुनै विशेष मौसमी प्रणाली सक्रिय नभएकाले सामान्यतया मौसम सफा रहने अनुमान गरिएको छ।
महाशाखाले दिएको विवरण अनुसार आज कोशी र गण्डकी प्रदेशका पहाडी क्षेत्रहरूमा आंशिक बदली देखिन सक्नेछ।
त्यस्तै यी दुई प्रदेशका हिमाली भू–भागका एक वा दुई स्थानमा हल्का वर्षा र हिमपातको सम्भावना रहेको जनाएको छ।
समग्रमा आज देशका अधिकांश स्थानमा खुला र घमाइलो मौसम रहने महाशाखाको पूर्वानुमान छ।
