कार्तिक २२, काठमाडौं ।।
मौसम पूर्वानुमान महाशाखाका अनुसार हाल देशभर कुनै उल्लेखनीय मौसमी प्रणाली सक्रिय छैन।
हाल गण्डकी र कर्णाली प्रदेशका पहाडी तथा हिमाली क्षेत्रमा आंशिक बदली देखिएको छ भने अन्य अधिकांश स्थानमा मौसम सामान्यतया सफा रहेको छ।
शनिबार(आज)दिउँसो कोशी र गण्डकी प्रदेशका पहाडी भागमा आंशिक बदली रहने र बाँकी प्रदेशहरूमा आकाश सफा रहने महाशाखाले जनाएको छ।
सो क्रममा कोशी र गण्डकीका हिमाली भू-भागका केही स्थानमा हल्का वर्षासहित हिमपात हुने सम्भावना रहेको बताइएको छ।
आज राति पनि कोशी प्रदेशका पहाडी क्षेत्रमा आंशिक बदली रहने र बाँकी ठाउँमा मौसम सामान्यतया सफा रहने महाशाखाको पूर्वानुमान छ।
