वैशाख ८, काठमाडौं ।।
नेकपा एमाले कर्णालीका नेता कर्णबहादुर मल्ललाई जिल्ला अदालत ललितपुरले पूर्पक्षका लागि थुनामा पठाउन आदेश दिएको छ ।
बलात्कारको आरोप लागेका उनलाई जिल्ला अदालत ललितपुरका न्यायाधीश भगवती शर्मा ढुङ्गानाको इजलासले बुधबार(आज) पूर्पक्षका लागि थुनामा पठाउन आदेश दिएको हो ।
गत चैत्र १४ गते पक्राउ परेका उनीमाथि एक महिलाको जाहेरीका आधारमा बलात्कार र गर्भ संरक्षणविरुद्धको कसुरमा मुद्दा दर्ता भएको थियो ।
ती महिलाका अनुसार उनी गीत गाउने काम गर्दै आएकी थिइन् । तर गित गाउने क्रमका एक आपसमा चिनजान भएका मल्लले आफूमाथि बलात्कार गरेको ति महिलाको भनाई छ ।
