काठ्माण्डौं ।
२० वर्षमुनिको महिला साफ च्याम्पियनशिप फुटबलमा आइतबार भुटानलाई नेपालले ४–० गोलले हराएको छ । बङ्गलादेशको राजधानी ढाकामा जारी भएको खेलमा नेपालले भुटानमाथी ४–० को गोल अन्तरले हराउँदै यस प्रतियोगितामा पहिलो जित निकालेको हो ।
नेपालको जितमा अमिषा कार्कीले ह्याट्रिक गर्न सफल भइन भने कप्तान प्रिती राईले एक गोल गरेकी छन् । जारी प्रतियोगिताको पहिलो खेलमा भने बङ्गलादेशसँग नेपाल ३–० गोलले पराजित भएको थियो । राउन्ड रोबिनको आधारमा भई रहेको यस प्रतियोगिताको शीर्ष दुई टोलीले उपाधिका लागि आउँदो विहीबार प्रतिस्पर्धा गर्ने भएको छ ।
त्यस्तै यस महिला साफ च्याम्पियनशिप फुटबलमा आयोजक बङ्गलादेशसहित नेपाल, भारत र भुटान गरी ४ वटा देशको सहभागी रहेको छ ।