पोखर/शनिबार दिउँसो पाकिस्तानको विभिन्न क्षेत्रमा ५.८ म्याग्निच्युडको भूकम्प गएको छ। पाकिस्तानको राष्ट्रिय भूकम्प मापन केन्द्रका अनुसार दिउँसो १२:३१ बजे रावलपिंडीबाट करिब ६० किलोमिटर उत्तरपश्चिम दिशातर्फ जमिनको १२ किलोमिटर गहिराइमा भूकम्पको केन्द्रबिन्दु रहेको थियो।
भूकम्पको झट्का पञ्जाब प्रान्तका अटोक, चकवाल, र मियाँवाली जिल्ला तथा आसपासका क्षेत्रमा महसुस गरिएको थियो। साथै, खैबर पख्तुनख्वा प्रान्तको पेसावर, मरदान, मोहमन्द र शबकदरजस्ता ठाउँहरूमा पनि भूकम्पको प्रभाव देखिएको छ।
हालसम्म कुनै मानवीय वा भौतिक क्षतिको विवरण प्राप्त नभएको जनाइएको छ। पाकिस्तान भूकम्पको जोखिमयुक्त क्षेत्र मानिन्छ, जहाँ विगतमा पनि घातक भूकम्प आएका छन्। सन् २००५ मा आएको विनाशकारी भूकम्पले ७४,००० भन्दा बढीको ज्यान लिएको थियो।
प्राधिकरणहरूले जनतालाई सतर्क रहन आग्रह गरेका छन्, यद्यपि शनिवारको भूकम्पले गम्भीर असर नगरेको प्रारम्भिक मूल्यांकन गरिएको छ।
