पौष २०, काठमाडौं ।।
नेपाली सुनचाँदी बजारमा आइतबार(आज) सुन र चाँदी दुवैको भाउ घटेको छ। केही दिनयता उतार–चढाव देखिँदै आएको बजारमा आज फेरि गिरावट आएको हो।
नेपाल सुनचाँदी व्यवसायी महासंघका अनुसार आज सुन तोलामा २ हजार १ सय रुपैयाँले घटेर २ लाख ६० हजार ४ सय रुपैयाँमा कारोबार भइरहेको छ। अस्ति शुक्रबार सुनको भाउ तोलामा २ लाख ६२ हजार ५ सय रुपैयाँमा कारोबार भएको थियो ।
यस्तै आज चाँदीको मूल्यमा पनि गिरावट आएको छ। आज चाँदी तोलामा २५ रुपैयाँले घटेर ४ हजार ५ सय रुपैयाँमा कारोबार भइरहेको महासंघले जनाएको छ।
शुक्रबार चाँदीको भाउ तोलाको ४ हजार ५ सय २५ रुपैयाँमा कारोबार भएको थियो।
विषेशगरी अन्तर्राष्ट्रिय बजारको प्रभाव र आन्तरिक माग–आपूर्तिका कारण सुनचाँदीको भाउमा उतार–चढाव देखिएको व्यवसायीहरूको भनाइ छ।
