माघ ११, पोखरा ।।
राष्ट्रियसभा निर्वाचन अन्तर्गत गण्डकी प्रदेशबाट राष्ट्रिय सभा निर्वाचनको परिणाम सार्वजनिक भएको छ।
आयोगले सार्वजनिक गरेको मतपरिणाम अनुसार
कांग्रेसका जगत तिमिल्सिनाले अन्य समूहका उम्मेदवार कपिल लामा र जनमोर्चाका शंकरप्रसाद बराललाई फराकिलो मतान्तरले पराजित गर्दै विजयी भएका छन्।
महिलातर्फ एमालेकी सम्झना देवकोटाले निकटतम प्रतिश्पर्धी गाेष्मा लुइँटेल घिमिरे र जनमोर्चाकी लक्ष्मी वास्कोटालाई पछाडि पार्दै सहज रूपमा विजयी हासिल गरेकी छन् ।
मुख्य निर्वाचन अधिकृतको कार्यालयका अनुसार तिमिल्सिनाले ५ हजार ३३ मतभार प्राप्त छन् भने उनका प्रतिद्वन्दि कपिल लामाले ९ सय ४१ मतभार मात्र प्राप्त गरेका छन्।
यता देवकोटाले महिला समूहमा ५ हजार १४ मतभार ल्याएकी छन्। प्रदेशसभातर्फ र स्थानीय तहतर्फ प्राप्त मतहरूले दुवै विजेताको जितलाई अझ बलियो बनाएको छ।
गण्डकीमा कुल २ सय २८ मतदाता रहेका थिए। प्रदेशतर्फ राप्रपाका दुई सांसद र स्थानीय तहतर्फ तीन प्रतिनिधिले मतदान गरेका थिएनन् । यस्तै केही प्रतिनिधि जेलमा रहेकाले निर्वाचनमा सहभागी हुन सकेनन्।
