फागुन १९, काठमाडौं ।।
नेपाली बजारमा सुनको मूल्य मंगलबार(आज) वृद्धि भएको छ। आज सुनको मूल्य तोलामा ३ लाख २८ हजार रुपैयाँ नाघेको छ।
नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ३ लाख २८ हजार ६ सय रुपैयाँ कायम भएको हो।
यसअघि आइतबार प्रतितोला तीन लाख २० हजार ५ सय रुपैयाँ रहेको सुनको मूल्य आज एकैपटक ८ हजार १ सय रुपैयाँले बढेको हो। यस्तै आज चाँदीको मूल्य भने घटेको छ।
आज चाँदी प्रतितोला ५ हजार ८ सय १५ रुपैयाँ कायम भएको छ। आइतबार चाँदी प्रतितोला ५ हजार ९ सय ८५ रुपैयाँ थियो।
सार्वजनिक बिदा परेकाले सोमबार भने सुनचाँदीको मूल्य निर्धारण गरिएको थिएन। विषेशगरी अन्तर्राष्ट्रिय बजारमा भइरहेको उतारचढावका कारण स्थानीय बजारमा पनि मूल्यमा परिवर्तन देखिएको महासंघले जनाएको छ।
