काठ्माण्डौं ।।
गएराति निधन भएका संविधानसभा अध्यक्ष तथा नेकपा एमालेका उपाध्यक्ष सुवासचन्द्र नेम्वाङको अन्त्योष्टि विहीबार हुने भएको छ । नेम्वाङका छोरा बुधबार अपरान्ह मात्र नेपाल आइपुग्ने भएकाले उनको पार्थिव शरीरको अन्त्योष्टि विहीबार गरिने भएको हो ।
एमालेका उप–महासचिव समेत रहेका नेता प्रदिप ज्ञावलीका अनुसार नेम्वाङको पार्थिव शरीर बुधबार दिउँसो १ बजेसम्म एमाले पार्टी केन्द्रीय कार्यालयमा श्रद्धाञ्जलीका लागि राखिने छ भने त्यसपछि उनको निवासमा लगिने जानकारी दिएका छन् ।
नेम्वाङको अन्त्येष्टि भने पशुपति आर्यघाटमै गरिने छ ।आज विहान बसेको आकस्मिक मन्त्रिपरिषद् बैठकले नेम्वाङको अन्त्येष्टि राजकीय सम्मानका साथ गर्ने निर्णय गरिसकेको छ भने सरकारले सो दिन विदा दिने निर्णय गरेको छ ।
त्यस्तै नेकपा एमालेको आज बसेको सचिवालय बैठकले नेम्वाङको निधनमा तीन दिनका लागि औपचारिक कार्यक्रम स्थगित गर्नुका साथै पार्टीको झण्डा आधा झुकाउने निर्णय गरेको छ । नेम्वाङको सोमबार राति हृदयघातका कारण ७१ वर्षको उमेरमा निधन भएको थियो ।
