पाेखरा ।।
मर्दी हिमाल आरोहणका क्रममा लडेर बेपत्ता भएका पथप्रदर्शक (गाइड) लालबहादुर तामाङको शव फेला परेको छ ।
काठमाडौँको सनराइज कम्पनीबाट मर्दी आरोहणका लागि एक नर्वेली नागरिक र चार नेपाली सहयोगी यही कात्तिक २३ गते मर्दी आधार शिविरबाट हिँडेका थिए ।
सोही क्रममा नुवाकोटको काल्चे–१ का ६२ वर्षीय तामाङ कात्तिक २५ गते दिउँसो लडेर सम्पर्कविहीन भएका थिए।
सम्पर्कविहीन भएका तामाङको खोजीका लागि गएका उद्धार टोलीले उनकाे शव मर्दीको ५ हजार ३ सय मिटर उचाइमा फेला पारेका थिए ।
उद्धार टोलीले उनकाे शव भिरको खोंचमा हिउँले पुरिएको अवस्था भटेका थिए ।
उक्त शवलाई डोरीको सहायताले खोंचबाट २ सय मिटरमाथि ल्याएर सुरक्षित राखिएको माछापुच्छ्रे-९ का वडाध्यक्ष हरिबहादुर क्षेत्रीले जानकारी दिएका छन् ।
तर साे ठाउँबाट शव ल्याउन मुस्किल भएकोले हेलिकप्टरबाट ल्याउनुको विकल्प नभएको र त्यसका लागि पहल भइरहेकाे वडाध्यक्ष क्षेत्रीले बताएका छन् ।
