काठ्माण्डाैं ।।
राजावादीले शुक्रबार गरेकाे प्रर्दशनका क्रममा वातावरण प्रदूषण गरेको भन्दै काठ्माण्डाैं महानगरपालिकाले पूर्वराजा ज्ञानेन्द्र शाहलाई जरिवाना गरेको छ।
काठ्माण्डाैं स्थित तीनकुने, कोटेश्वर लगायतका क्षेत्रमा उक्त समुहले गरेकाे तोडफोड र आगजनीका कारण भएको प्रदूषणलाई लिएर महानगरले विभिन्न शीर्षकमा शाहलाई ७ लाख ९३ हजार जरिवाना गरेको हाे ।
महानगरले शाहकाे नाममा विभिन्न शिर्षकमा ८ वटा पत्र काटेकाे हाे । काठमाडौँ महानगरले वातावरण तथा प्राकृतिक स्रोत संरक्षण ऐन २०७७ र महानगरको आर्थिक ऐन बमोमिज जरिवाना गराएको हो ।
महानगरले कोटेश्वरको सडक तथा सडकपेटीमा जथाभावी फोहोर गरेवापत रु १ लाख, महादेवस्थानको सडक तथा सडकपेटीमा जथाभावी फोहोर गरेवापत रु १ लाख, तीनकुनेको सडक तथा सडकपेटीमा जथाभावी फोहोर गरेवापत रु १ लाख, जडीबुटीको सडक तथा सडकपेटीमा जथाभावी फोहोर गरेवापत रु १ लाख, बालकुमारीको सडक तथा सडकपेटीमा जथाभावी फोहोर गरेवापत रु १ लाख जरिवाना गराएकाे छ ।
यस्तै सिनामंगलको सडक तथा सडकपेटीमा जथाभावी फोहोर गरेवापत रु १ लाख, दमकल तोडफोड गरेवापत रु १ लाख ३० हजार र तीनकुनेमा रुख, बिरुवा, रेलिङ तोडफोड गरेवापत रु ६३ हजार गरि ७ लाख ९३ हजार जरिवाना गरेको हाे ।
