पाेखरा ।।
ऐतिहासिक श्री गण्डकी शत कुण्डीय गायत्री कोटिहोम विराट ज्ञान महायज्ञको भूमी पुजन बैशाख ३ गते हुने भएको छ ।
बैशाख ३ गते बुधबार बिहान भूमी पूजनसँगै मूल यज्ञ कुण्ड खन्ने साइत पनि रहेको आयोजक मानव सेवा फाउण्डेसन नेपालले जानकारी दिएको छ ।
पाेखरा-१७, विराैटा स्थित हरिहर मन्दिरमा बैशाख १७ देखी जेठ २६ गतेसम्म उक्त काेटिहाेम सञ्चालन हुँदैछ ।
अहिले काेटिहाेम महायज्ञकाे पूर्वसन्ध्यामा चैत्र १७ गते देखि विविध कार्यक्रमसंगै श्रीमद्भागवत कथा प्रवचन भइरहेको छ ।
गत चैत्र २९ गतेदेखी नेपालकी कान्छी भागवत् वाचिका अनुराधा पाण्डेयले कथा प्रवचन गरिरहेकी छन् ।
उनकाे कथा वाचन सुन्न अहिले विभिन्न ठाउँबाट भक्तजनहरुकाे बाक्लाे उपस्थिति समेत रहँदै अाएकाे छ ।
