भाद्र २७, पोखरा ।।
भदौ २४ गते भएको जेनजी आन्दोलनमा तोडफोड र आगजनीका क्रममा कास्की जिल्ला कारागारबाट भागेका कैदीबन्दीहरूमध्ये धेरैजना सम्पर्कमा आउन थालेका छन्।
जिल्ला कारागार कास्कीका प्रशासक राजेन्द्र शर्माका अनुसार अहिलेसम्म ३ सय कैदीबन्दी सम्पर्कमा आएका छन्।
अहिले कैदीबन्दीहरु धमाधम आउन थालेसँगै
उनीहरूलाई सुरक्षित राख्न विद्युत मर्मतसहितका काम भइरहेको शर्माले बताए ।
सो आन्दोलनका क्रममा कैदीबन्दी राख्ने ब्लकमा ठूलो क्षति नभए पनि प्रशासनिक भवनलगायतका संरचनामा आगजनी भएको हुँदा तत्काल प्रयोग गर्न योग्य अवस्थामा नभएको उनले बताए ।
तर अहिले त्यहाँ बिजुलीको मर्मत सम्भार कार्य भइरहेको र आफूहरुले वैकल्पिक व्यवस्था गरेर सम्पर्कमा आएका कैदीबन्दीहरुलाई राख्ने काम भइरहेको जानकारी दिए ।
अघि बढ्ने तयारी भइरहेको छ। उक्त आन्दोलनका क्रममा कास्की कारागारभित्र रहेका धेरै कैदीबन्दी कारागार तोडेर भागेका थिए । त्यसबेला ७ सय ३८ जना पुरुष र ३५ जना महिला गरी ७ सय ७३ कैदीबन्दी कारागारमा थिए।
बिस्तारै अहिले स्थिति सामान्य हुन थालेपछि भागेका कैदीबन्दीको खोजी कार्य तीव्र पारिएको छ। जसकारण हाल उनीहरू आफै सम्पर्कमा आउन थालेका हुन् । सम्पर्कमा नआएका कैदीहरुलाई प्रशासनले छिट्टै नियन्त्रणमा लिने पनि जनाएको छ।
