पाेखरा ।।
गाउँपालिकाभित्रका सामुदायिक विद्यालयको शैक्षिक गुणस्तर सुधारका लागि कास्कीको माछापुच्छ्रे गाउँपालिकाले करारमा प्रधानाध्यापक नियुक्त गरेको छ ।
साे गाउँपालिकाले पाँच वर्षका लागि करारमा प्रधानाध्यापक नियुक्त गरेको हाे ।
देशमै नमूनाका रूपमा शिक्षा क्षेत्र सुधारका लागि गाउँपालिकाको शिक्षा शाखा र ३८ सामुदायिक विद्यालयका प्रधानाध्यापकबीच पञ्चवर्षीय करार सम्झौता गरिएको हो ।
यसअघि गाउँपालिकाले करारमा प्रधानाध्यापक नियुक्तिका लागि आवेदन माग गरेको थियो ।
करारमा नियुक्त गरेका प्रधानाध्यापककाे छनाेट भने मापदण्ड अनुसारको अङ्कका आधारमा गरिएको यस गाउँपालिकाका प्रमुख प्रशासकीय अधिकृत गोपीकृष्ण अर्यालले जानकारी दिएका छन् ।
